ब्रम्हामाकुमारी अछामको भवन उद्घाटन गरिदै

अछाम । मंगलसेनमा रहेको ब्रम्हामाकुमारी ईश्वरीय विश्वविद्यालयको नवनिर्मित भवनको उद्घाटन गरिने भएको छ । यहीँ कार्तिक ३० गते भवनको उद्घाटन गर्न लागिएको हो ।

जसको उद्घाटनका लागि संस्थाका केन्द्रीय अध्यक्ष तथा निर्देशक एंव नेपालकै प्रथम ब्रम्हाकुमारी राजयोगीनी परनीता अछाम आउनु हुने भएको छ । उहाँले भवन उद्घाटन गर्ने कार्यक्रम तय गरिएको ब्रम्हाकुमारी ईश्वरीय विश्वविद्यालय अछामकी सञ्चालिका ब्रम्हाकुमारी कबिताले जानकारी दिनु भएको छ ।

उहाँका अनुसार ३० गते शुक्रबार बिहान साढे ७ बजेका लागि तय गरिएको उद्घाटन समारोहका लागि सबै जनप्रतिनिधि, प्रमुख जिल्ला अधिकारी सहितका अन्य कर्मचारीहरु, पत्रकार, राजनीतिक दल, समाजसेवी, धार्मीक क्षेत्रका अगुवा लगायतलाई सहभागिताका लागि अनुरोध गरिएको छ ।

विभिन्न निकायको सहयोगमा निर्माण गरिएको ब्रम्हाकुमारी ईश्वरीय विश्व विद्यालय मंगलसेनले यस क्षेत्रका विभिन्न बर्गका मानिसहरुलाई नैतिक, चारित्रिक र मूल्यवान बन्न प्रेरणा दिने खालका प्रवचन तथा कार्यक्रम गर्दै आएको छ ।