अछाम । षोडशा देवी मावि मंगलसेनमा अध्ययनरत २१ जना विद्यार्थीलाइ न्यानो कपडा वितरण गरिएको छ । नेपाल कम्युनिस्ट पार्टी अछामले ११ औँ पार्टी पुनर्गठन दिवसको अवसरमा उनीहरुलाई न्यानो कपडा वितरण गरेको हो ।
न्यानो कपडा वितरण गरिएका विद्यार्थीहरुमा अभिभावक बिहिन १५ जना र दृष्टिबिहिन ६ जना गरि २१ जना बालबालिका रहेका छन् ।
नेकपाका जिल्ला सचीव निरक सी को अध्यक्षतामा भएको कार्यक्रममा प्रमुख अतिथि नेकपाका केन्द्रिय सदस्य तथा जिल्ला इन्चार्ज मिना सी रहनु भएको थियो ।
अन्य अतिथीमा षोडशा माबिका प्रधानाध्यापक बृकेश बोगटी, अखिल (समाजवादी)का केन्द्रिय सदस्य दिपेन्द्र सी, अखिल (समाजवादी) का केन्द्रिय सदस्य एकेन्द्र सी लगायत रहनु भएको थियो ।
शिक्षक विद्यार्थी समेतको उपस्थितिमा सम्पन्न उक्त कार्यक्रमको संचालन नेकपाका जिल्ला समिति सदस्य तपेन्द्र सी ले गर्नु भएको थियो ।
प्रतिक्रिया