दार्चुलामा जिप दुर्घटना हुँदा ५ जनाको मृत्यु, ६ जना घाइते

दार्चुला । दार्चुलाको शैल्यशिखरमा जिप दुर्घटना हुँदा पाँच जनाको मृत्यु भएको छ । गोकुलेश्वरबाट दार्चुला सदरमुकाम खलंगाका लागि छुटेको जिप शैल्यशिखर नगरपालिका ६ उलानीमा दुर्घटनामा परेको हो ।

से १ ज ५५१ नम्बरको जिप दुर्घटना हुँदा जीपमा सवार पाँच जनाको घटनास्थलमै मृत्यु भएको छ भने ६ जना घाइते भएका छन् । घाइतेलाई थप उपचारको लागि गोकुलेश्वर अस्पताल पठाइएको जिल्ला प्रहरी कार्यालय दार्चुलाले जनाएको छ ।

जीप के कारणले दुर्घटना भयो भन्ने बारे अहिलेसम्म जाकारी छैन । तर केही घाइतेहरुले बताए अनुसार तिब्र गतिका कारण जीप दुर्घना भएको हुनसक्ने देखिन्छ । घटनाको थप विरवण आउन बाँकी छ ।