अछामको विनायकमा विपदजन्य पूर्वाभ्यास गरिएको छ । नेपाली सेनाको गोरख बक्स गण मंगलसेन व्यारेकले विपदबारे पूर्वाभ्यास गरेको हो ।
पञ्चदेवल विनायक नगरपालिका र गोरख बक्स गणको आयोजनामा गरिएको पूर्वभ्यासमा आगलागी, भुकम्प र हाइलाइन रेस्क्यु बारे कृत्रिम घटना प्रदर्शन गरिएको थियो ।
गणपति, प्रमुख सेनानी संगम अधिकारीको विशेष उपस्थितिमा सम्पन्न पूर्वाभ्यास पश्चात बोल्दै पञ्चदेवल विनायक नगरपालिकाका उपप्रमुख हर्कबहादुर रावलले पढेर सुनेका कुरा व्यवहारमा देखाउन यो कार्यक्रम आयोजना गरिएको बताउनुभयो ।
प्रत्यक्ष देखाएर सर्वसाधारणलाई विपदजन्य घटनाको सामना गर्नेबारे उपाय दिइएकाले यसले फाइदा पुग्ने बताउनुभयो । घटना प्रदर्शन गरेर सचेतना अभिबृद्धि गरेको प्रति नेपाली सेनालाई धन्यवाद दिदै उहाँले यस्ता महत्वपुर्ण कार्यक्रम नगरले फेरि पनि सञ्चालन गर्ने प्रतिवद्धता जनाउनुभयो ।
सहभागि अतिथिहरुलाई स्वागत गर्ने क्रममा बोल्दै वडा नम्बर १ का वडाध्यक्ष दुर्गाप्रसाद तिमिल्सिनाले यो कार्यक्रमले विपदजन्य घटनाहरुको सामना गर्न सहज बनाएको बताउनुभयो । यसले समुदायमा सकारात्मक शन्देस प्रवाह गर्ने विस्वास गर्दै उहाँले स्थानीयले यसबाट धेरै कुरा सिक्ने अवसर पाएको बताउनुभयो ।
पूर्वाभ्यास अन्तर्रगत सेनानी अमृत खड्काको कमाण्डमा खटिएको ४० जना नेपाली सेनाको दक्ष समुहले कृत्रिम घटना अभ्यास प्रदर्शन गरेको थियो । जहाँ जमदार सुवर्ण खड्काको संयोजनमा हुद्दा रामबहादुर बिकले कमाण्ड गरेको समूहले आगलागी नियन्त्रण बारे जनचेतनामुलक अभ्यास देखाएको थियो । त्यस्तै पञ्चदेवल क्यापस अगाडीको भिरमा हाइलाइन रेस्क्यु मार्फत पनि उनीहरुले चेतनामुलक घटना प्रस्तुत गरेका थिए ।
यी विभिन्न अभ्यासमा हुद्दा भेषराज बोहरा, सुशान्त खिलिङ, अमल्दार प्रेम देवकोटा, सुरेन्द्र शाही, टेकबहादुर खड्का, नेत्रबहादुर मास्की, प्युठ सुमित शाही, नेत्र पराजुली, सुजन बरामु, सञ्जु खत्री, सरस्वती चन्द र सिपाहीहरु साधना बिष्ट, गीता राना, नन्दा वली र सूर्यबहादुर जोगी लगायत स्थानीय विद्यार्थीहरुले समेत भुमिका निर्वाह गरेका थिए ।
कृत्रिम घटना अभ्यासका क्रममा भुकम्पबाट बच्ने उपाय र खाना पकाउने ग्यास सिलिन्डरमा आगो लाग्दा नियन्त्रण गर्ने उपायबारे पनि जानकारी गराइएको थियो ।
रेडियो सोसाइटी एफएमको समन्वयमा सम्पन्न कार्यक्रममा पञ्चदेवल विनायक नगरपालिकाको वडा नम्बर ४ का वडाध्यक्ष हर्कबहादुर बडुवा, वडा नम्बर ६ का वडाध्यक्ष कमल रावल र निमित्त प्रमुख प्रशासकीय अधिकृत डम्बर बहादुर थापा लगायतको उपस्थिति रहेको थियो ।
कार्यक्रमको सञ्चालन पोषण शाखा प्रमुख हंशराज अधिकारीले गर्नुभएको थियो । यो कार्यक्रम चैत १७ गते आइतबार देखि तुर्माखाँद गाउँपालिकामा हुने छ ।
पूर्वाभ्यासका दृष्यहरुः








प्रतिक्रिया
9k6pkz
v75r1j
x6oae3