अछाममा जुवाको खालबाट तीन जना पक्राउ

मंगलसेन । अछाम सदरमुकाम मंगलसेनबाट जुवाको खालबाट तीन जना पक्राउ परेका छन् । उनीहरु मंगलसेनको बिच बजारबाट पक्राउ परेको जिल्ला प्रहरी कार्यालय अछामका प्रहरी निरीक्षक टेकबहादुर देउवाले बताए ।

उनका अनुसार पक्राउ पर्नेमा स्थानिय नृपबहादुर केसी, प्रकाश भाट र देबेन्द्र बिष्ट रहेका छन् । उनीहरुको साथबाट नगद १६ हजार तीन सय ४० रुपैयाँ बरामद गरिएको छ ।

साथै मोबाइल तीन थान, पर्स एक थान र एक थान खेल्दै गरेको तासको गड्डी पनि नियन्त्रणमा लिइएको प्रहरी निरीक्षक देउवाले बताए । पक्राउ परेका तीनै जना बिरुद्ध म्याद थप गरेर मुद्दा चलाइएको छ ।