अछाम । मंगलसेनमा सामाजिक कार्यका लागि सदभावपूर्ण देउसीभैलो सञ्चालन गरिएको छ । श्रम अभियान अछाम र रुपान्तरण बालक्लवको आयोजनामा देउसीभैलो सञ्चालन गरिएको हो ।
श्रम अभियान अछामका सहसंयोजक शिव बोगटीको अध्यक्षतामा भएको देउसीभैलो उद्घाटन कार्यक्रममा मंगलसेन नगरपालिका वडा नम्वर ३ का अध्यक्ष बिर्ख बहादुर बोगटी प्रमुख अतिथि रहनुभएको थियो ।
मंगलसेन बसपार्कबाट सुरु गरि बैरागीधारा, बिच बजार हुँदै बजारका विभिन्न स्थानमा देउसी खेलिएको थियो । श्रम अभियानको देउसी कार्यक्रममा विभिन्न व्यक्तिहरुले शुभकामना व्यक्त गरेका थिए ।
जसमा रेडियो सोसाईटी एफएमका प्रमुख कार्यकारी निर्देशक ध्रुव बीसी, नेकपा एमालेका जिल्ला कमिटी सदस्य तथा नगर सह ईञ्चार्ज भीम राना, रेडियो गाउँघरका कार्यकारी निर्देशक टेकबहादुर थापा, नेपाल राष्ट्रिय शिक्षक संगठनका केन्द्रीय सदस्य नरबहादुर रावल लगायतका व्यक्तिहरुले शुभकामना सहित कार्यक्रम सफलताको शुभकामना दिएका थिए ।
देउसीभैलो कार्यक्रममा श्रम अभियानका सह संयोजक कर्णबहादुर धामी, सचिव होम बहादुर साउँद, अभियन्ताहरु भ्वान सिंह थापा, पूर्णबहादुर बुढा, बिष्णु बोहरा लगायत रुपान्तरण बाल क्लवका पदाधिकारीहरुको सहभागीता रहेको थियो ।
श्रम अभियान अछामले विगत १ वर्षदेखि विभिन्न सामाजिक कार्यहरु गरिरहेकोमा आगामी दिनमा थप सामाजिक कार्यहरु गर्नका लागि देउसीभैलो मार्फत संकलित रकम सदुपयोग गरिने जनाईएको छ ।
प्रतिक्रिया