काठमाडौं । कर्णाली प्रदेशसभाको बैठक अझै सुचारु गर्ने विषयमा सहमति हुन सकेको छैन ।
सत्तारुढ दलहरूबीच एकले अर्कोलाई असहयोग गरेको भन्दै भएको अवरोध बैठक तीन दिन बितिसक्दा बस्न नसकेको हो ।
नेकपा (माओवादी केन्द्र) संसदीय दलको बैठकले आफ्ना माग पूरा नभएसम्म सदन र विषयगत समितिका कुनै पनि विषयमा सहभागी नहुने निर्णय गरिसकेको छ ।
हिजो दिउँसो सभामुख राजबहादुर शाहीले दलीय सहमति गराउने भन्दै बोलाएको बैठकमा समेत निष्कर्ष ननिस्कदा फेरि अर्को बैठक बस्ने गरी बैठक सकिएको छ । अर्को बैठक कहिले बस्ने विषयमा समेत टुंगो लागेको छैन ।
मुख्यमन्त्री जीवनबहादुर शाहीले सत्तासाझेदार दलहरूसँग कुनै पनि सरोकार सम्बन्ध नराखी एकलौटी तरिकाले अगाडि बढ्दा समस्या आएको माओवादी केन्द्रले आरोप लगाउँदै आएको छ ।
प्रतिक्रिया