बस दुर्घटना हुँदा रामेछापमा ९ जनाको मृत्यु

काठमाडौं। रामेछापमा मंगलबार बिहान यात्रुबाहक बस दुर्घटना हुँदा ९ जनाको मृत्यु भएको छ।

सुनापतिबाट काठमाडौंका लागि हिँडेको बा ३ ख ८३९६ नम्बरको बस बिहान १० बजेतिर खाँदादेवी गाउँपालिका-१ स्थित लुभुघाटमा दुर्घटना भएको हो।

घटनास्थलमा ज्यान गुमाउनेमा पाँच पुरुष र चार जना महिला छन्। मृतकको सनाखत हुन बाँकी छ।

२२ जना घाइते भएको जिल्ला प्रहरी कार्यालय रामेछापले जनाएको छ।