झुण्डिएको अवस्थामा भेटिए एक जोडी युवायुवती

बैतडी । बैतडीमा युवायुवतीको एक जोडी मृत भेटिएका छन् । बैतडीको सिगास गाउँपालिका– ५ का २१ वर्षीय केशव दमाईं र १८ वर्षीया रमिता विक मृत भेटिएको बैतडीका हुनर ।
प्रहरी नायब उपरीक्षक प्रेमबहादुर शाहीका अनुसार उनीहरू दुवै चिउरीको रुखको एकै हाँगोमा झुण्डिएका अवस्थामा भेटिएका हुन् ।
मृतक दुवै जनाको शव जिल्ला अस्पताल बैतडीमा परीक्षणका गरिएको छ । मृतक दुवैजना अविवाहित रहेका र प्रेम सम्बन्धमा रहेको हुनसक्ने अनुमान गरिएको छ । घटनाको थप अनुसन्धान भइरहेको प्रहरीले जनाएको छ ।