कैलालीमा दुई जना मृत भेटिए

धनगढी । कैलालीमा दुई जनाको शव भेटिएको छ । उनीहरु दुबैका शव फरक फरक ठाउँमा फेला परेका हुन् ।

मृत भेटिनेमा गोदावरी १२ को शान्तिनगरमा २५ वर्षीय मदन बडेला र कञ्चनपुरको कृष्णनगरपालिका ८ का ७४ वर्षीय धनसिंह जेठारा रहेका छन् ।

बडेला बुधबार बिहान आफ्नै घरको आँगनमा मृत अवस्थामा भेटिएको बताउदै कैलाली प्रहरीले घटना शंकास्पद रहेको जनाएको छ । बडेलाको टाउको र खुट्टामा चोट लागेकाले हत्या आशंकामा अनुसन्धान अघि बढाइएको छ ।

प्रहरीका अनुसार अनुसन्धानमा तालिम प्राप्त कुकुरको समेत प्रयोग गरिएको छ ।

छोरीको घर आएका जेठारा मंगलबार साँझ बाहिर निस्किएका थिए । अबेरसम्म नफर्किएपछि खोजी गर्दै जादा बुधबार बिहान मृत भेटिएका थिए । घटनाबारे अनुसन्धान भइरहेको प्रहरीले जनाएको छ ।