काठमाडौं । डेंगुका कारण मृत्यु हुनेको संख्या ३२ पुगेको छ । पछिल्लो २४ घण्टामा मात्रै अन्य एक हजार ५१ जना संक्रमित भएका छन् ।
सोमबारसम्ममा जम्मा २५ हजार ५४३ जनामा डेंगु पुष्टि भएको छ । आइतबारसम्म डेंगु संक्रमितको संख्या २४ हजार ४९२ जना थियो ।
अहिलेसम्म सबैभन्दा बागमती प्रदेशमा १९ हजार ९१०मा डेंगु संक्रमण भएको स्वास्थ्य तथा जनसंख्या मन्त्रालयले जनाएको छ ।
त्यसैगरी लुम्बिनी प्रदेशमा २ हजार ८८७, सुदूरपश्चिममा ८०४, प्रदेश १ मा ७७५, गण्डकीमा ५५६, मधेशमा ३८० र कर्णालीमा २३१ जनामा डेंगु संक्रमण भएको छ ।
नेपालमा एडिज प्रजातिको लामखुट्टेबाट सर्ने डेंगु नेपालमा पहिलो पटक २०६१ मा डेंगुका बिरामी देखिएका थिए ।
हालसम्म देशभरका ७६ जिल्लामा डेंगु संक्रमण फैलिएकाले यसलाई ‘प्रकोप’ घोषणा गर्ने तयारी गरेको छ ।
प्रतिक्रिया