११ मंसिर २०७९, आइतबार | Sun Nov 27 2022

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

अलैंची टिप्न थाले लमजुङका किसान



लमजुङ। लमजुङका कृषक यतिबेला अलैंची टिप्न र सुकाउनमा ब्यस्त छन् । राम्रो आम्दानीका रुपमा लिइने अलैंची पाकेपछि उनीहरु टिप्न जुटेका हुन् ।

त्यसका लागि अन्यत्र गएकाहरु समेत गाउँमा फर्केका हुन् । गाउँका बुढापाका, बालबालिका तथा किशोर–किशोरीलाई अलैंची टिप्न र सुकाउन भ्याई–नभ्याई छ । जंगलका अलैंची बगानदेखि गाउँका अलैंची सुकाउने भट्टीसम्म कृषकको जमघट छ ।

असोज महिना सुरु भएसँगै अलैंची टिप्ने र सुकाउने काममा खटिएका उनीहरुले तिहार अगाडि नै सबै सुकाएर बिक्रीका लागि तयारी अवस्थामा राख्ने योजना बनाएका छन् । गाउँमा अलैंची खेती हुन थालेपछि चाडपर्व छोडेरै उनीहरु काममा दत्तचित्त दिएर लाग्न थालेका छन् ।

लमजुङका कृषकका अनुसार पाकिसकेको अलैंची समयमा टिपिएन भने बिस्तारै ढुसी बढ्ने भएकाले समयमै व्यवस्थापन गर्न जरुरी हुन्छ । अलैंचीमा लमजुङे कृषकको आकर्षण बढेपछि युवाहरुको विदेश जाने क्रम समेत रोकिएको छ । विदेश गएकाहरु समेत गाउँमा फर्केर अलैंची खेतीमा रमाउन थालेका छन्

प्रकाशित मिति : २१ आश्विन २०७९, शुक्रबार  ३ : ४४ बजे