काठमाडौं । नेपाली कांग्रेसले प्रतिनिधिसभा र प्रदेशसभा निर्वाचनका लागि दस सिटको बाँडफाँट टुंग्याएको छ । प्रधानमन्त्री शेरबहादुर देउवासहित दस सिटको टुंगो लागेको हो ।
देउवा आफ्नै गृहजिल्ला डडेलधुराबाट चुनाव लड्नेछन् । त्यसबाहेक दार्चुलामा दिलेन्द्र बडु, बाजुरामा बद्री पाण्डे, अछाम २ मा पुष्पबहादुर शाह, मुगुमा ऐन बहादुर शाही, मनाङमा टेक प्रसाद गुरुङ र तेह्रथुममा सीता गुरुङ रहेका छन् ।
त्यस्तै प्रदेशसभातर्फ जुम्ला (ख) मा लतित जंग शाही, तेह्रथुम (क)मा सन्तोष सुब्बा र ताप्लेजुङ (ख) मा खगेन सिंह हाङ्वाङको टिकट सुनिश्चित भएको छ ।
बाँकी क्षेत्रमा आज शनिबारको बैठकले टुंगो लगाउने बताइएको छ । आसन्त प्रतिनिधिसभा एवं प्रदेशसभा निर्वाचनका लागि आइतबार मनोनयन दर्ता गर्ने कार्यक्रम रहेको छ ।
प्रतिक्रिया