पहिरोमा परेर कालिकोटमा २३ जना बेपत्ता

कालिकोट । पहिरोमा परेर कालिकोटमा २३ जना बेपत्ता भएका छन् । तिलागुफा नगरपालिका, सानी त्रिवणी र पचालझरना गाउँपालिकाका २३ जना बेपत्ता भएका हुन् ।

तिलागुफा नगरपालिका– ४ राँचुलीमा पहिरो जाँदा मलामि गएका १५ जना सम्पर्कबिहीन भएको जिल्ला प्रहरी कार्यालय कालिकोटका सूचना अधिकारी प्रवक्ता सुरेश राजबमले नेपाली अक्षरलाई बताए ।

उनका अनुसार तिलागुफा नगरपालिका–७ बालिमा पहिरो जाँदा ६ जना, सानी त्रिवणी गाउँपालिका –९ मुन्द्रामा पहिरो जाँदा १ जना र पचालझरना गाउँपालिका–७ सिमसेलामा १ जना गरी २३ जना बेपत्ता भएका हुन् ।

उनीहरुको खोजीकार्यका लागि स्थानीय र प्रहरी जुटेको छ । अन्य स्थानमा पनि पहिरो गएकाले बेपत्ता हुनेको संख्या बढ्न सक्ने अनुमान गरिएको छ ।