काठमाडौं। झापा क्षेत्र नं ५ बाट प्रतिनिधिसभा सदस्यमा नेकपा एमालेका अध्यक्ष केपी शर्मा ओली विजयी बनेका छन्।उनी २८ हजार ३ सय ८८ मतान्तरसहित विजयी भएका हुन्।
निर्वाचन अधिकृत गणेश पाण्डेका अनुसार अध्यक्ष ओलीले ५१ हजार छ सय १९ मत प्राप्त गरेका छन्।
उनका प्रतिद्वन्द्वी गठबन्धनबाट उम्मेदवार बनेका नेपाली कांग्रेसका खगेन्द्र पाण्डव अधिकारीले २३ हजार दुई सय ३१ मत ल्याएका छन्।
अघिल्लो पटक ओलीले ५७ हजार १ सय ३९ मत ल्याउँदै प्रतिनिधिसभा सदस्यमा निर्वाचित भएका थिए। अघिल्लो निर्वाचनमा विजयी उम्मेदवारले ल्याएको मत मध्ये ओलीको मत सर्वाधिक मत थियो।
अध्यक्ष ओली योसँगै छ पटक विजयी बनेका हुन्।
यसअघि उनी विसं २०४८, २०५१, २०५६, २०७० र २०७४ मा त्यही क्षेत्रबाट विजयी भइसकेका छन्।
प्रतिक्रिया