शनिबार दिउँसो देशका दुईवटा प्रदेशमा वर्षा हुने

काठमाडौं : शनिबार दिउँसो देशका दुईवटा प्रदेशमा वर्षा हुने भएको छ। 

जल तथा मौसम विज्ञान विभागअन्तर्गत मौसम पूर्वानुमान महाशाखाका अनुसार प्रदेश १ र गण्डकी प्रदेशको पहाडी भूभागको केही स्थानमा हल्का वर्षाको सम्भावना रहेको हो।

साथै प्रदेश १,  बागमती प्रदेश र गण्डकी प्रदेशका पहाडी भूभागमा आंशिक बदली रही बाँकीमा मौसम सामान्यतया सफा रहनेछ।

शनिबार राति प्रदेश १ र बागमती प्रदेशका पहाडी भूभागमा आंशिक बदली रही बाँकीमा मौसम सामान्यतया सफा रहने महाशाखाले जनाएको छ।