काठमाडौं । लोक सेवा आयोगले विभिन्न पदमा पुनः दरखास्त आह्वान गरेको छ ।
सरकारी एकीकृत डाटा हराएपछि आयोगले २०७९ मंसिरमा प्रकाशित शाखा अधिकृत, पुसमा प्रकाशित नायब सुब्बा तथा माघमा प्रकाशित नायब सुब्बा प्राविधिकलगायतको पदमा पुनः दरखास्त माग गरेको हो ।
पहिले दस्तुर बुझाएर दरखास्त स्वीकृत भएका तथा दरखास्त स्वीकृत हुन बाँकी उम्मेदवारका लागि मात्र पुनः दरखास्त दिन पाउने प्रावधान राखिएको छ । त्यसका लागि आगामी जेठ १८ सम्मको समय दिइएको छ ।
आयोगले डाटा रिकभरीको कार्य भइरहेपनि कहिलेसम्म हुने र के कति डाटा रिकभर हुने यकिन गर्न नसकिएको बताएको छ ।
पूर्वप्रकाशित विज्ञापनलाई यथास्थितिमा राखिरहँदा जेठदेखि सञ्चालन हुने गरी तोकिएका परीक्षा प्रभावित हुने भन्दै लोकसेवाले पुन: विज्ञापन गरेको जनाएको छ ।
प्रतिक्रिया