४ बैशाख २०८१, मंगलबार | Apr 16 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

बर्दगोरियाको सर्वपक्षीय विकासमा प्रतिबद्ध छु : अध्यक्ष कुँवर



कैलाली । कैलालीको बर्दगोरिया गाउँपालिकाका अध्यक्ष कर्णबहादुर कुँवरले गाउँपालिकाको समग्र पक्षको विकासका लागि आफू प्रतिबद्ध रहेको बताएका छन् । गाउँपालिकाको वडा नं.–३ स्थित ‘आरोमा वेथलेहेन’ चर्च भवनको शनिबार शिलान्यास गर्दै अध्यक्ष कुँवरले आफ्नो कार्यकालमा जनअपेक्षा अनुसार विकास निर्माणका कामहरु भइरहेको दाबी गरे ।

सो अवसरमा अध्यक्ष कुँवरले जनताको जनमत खेर जान नदिन आफू प्रतिबद्ध रहेको बताए । ‘यहाँका जनताले मलाई हिजो अमूल्य भोट दिएर जिताउनु भएको हो, अध्यक्ष कुँवरले भने, ‘तपाईहरुको भोटको म कदर गर्नेछु । यस वडाको विकास लागि कुनै चिजको पनि कमि हुन नदिने म प्रतिबद्धता व्यक्त गर्दछु ।’

उनले बर्दगोरियामा स्थानीय सरकारको दोस्रो कार्यकालमा आफू निर्वाचित भएर आइसकेपछि विगतका अधुरा आयोजनाको कार्यान्वयनसँगै कृषि, शिक्षा, स्वास्थ्य, खानेपानी, बिजुली, बाटोघाटो र पुलपुलेसा निर्माणलाई प्राथमिकताका राखेर काम गरिरहेको बताए । उनले गाउँपालिकाले आफ्नै साधन र स्रोतको उपयोग गरेर गुणस्तरीय भौतिक पूर्वाधार निर्माणमा जोड दिएको बताए ।

सामुदायिक विद्यालयमा मावि तहसम्म निशुल्क शिक्षा, संस्थागत विद्यालयका पाठ्यपुस्तकमा एकरुपता, ग्रामीण सडकको स्तरोन्नति, शुद्ध खानेपानी आयोजनाहरुको कार्य चरणबद्ध रुपमा भइरहेको उनको भनाइ थियो । कार्यक्रममा नेपाल ख्रिष्टियन ‘एफ जेटी चर्च’ का प्रमुख चुडामणी राजवंशीले बर्दगोरिया गाउँपालिकाका जनताले विकासप्रेमी अभिभावक पाएको बताउँदै चुनाबी समयमा गरिएका प्रतिबद्धता क्रमशः गाउँपालिका अध्यक्षले पूरा गरेकोप्रति खुशी व्यक्त गरे ।

‘पाँचवर्ष पहिले यहाँ आवतजावतको बाटो पनि थिएन’ उनले भने, ‘अहिले हरेक बाटोहरु फराकिलो भइरहेका छन्, पानीपिच भइरहेका छन्, उहाँ (गाउँपालिका अध्यक्ष) गाउँपालिकाको विकासको निम्ति कसरी कम खर्चमा गुणस्तरीय बाटोघाटोहरु बनाउन सकिन्छ । जनताको सेवा र सुविधामा केन्द्रित एक खुला विचारको व्यक्ति हुनुहुन्छ ।’

उनले सबै धर्म र समुदायप्रति समान विचार रहेको पनि बताए । ख्रिष्टियन समुदायको हकहितका निम्ति पहल गरिएको बताउँदै उनले गाउँपालिकालाई धन्यवाद दिए । गाउँपालिकाको १० लाख रुपैयाँ लागतमा भवन निर्माण शुरु गरिएको वडा सदस्य कपिल गुरुङले जानकारी दिए ।

उक्त भवन निर्माणको जिम्मा उपभोक्ता समितिलाई दिइएको छ । योजनाको काम चालू आर्थिक वर्षभित्रै सक्ने गरी भवन निर्माणको काम तीब्र गतिमा भएको उल्लेख गरे । यस पटकको बजेटबाट भवनको जग र पिलरहरु निर्माण हुनेछ । थप बजेट व्यवस्थापन भएको अवस्थामा अन्य काम थालिने उनले जानकारी दिए । सो वडामा ख्रिष्टियन धर्मप्रति आस्थावान तीनसय बढीले नियमित संगति गरिरहेको वडा सदस्य गुरुङले बताए ।

यस्तै, गाउँपालिका अध्यक्ष कर्णबहादुर कुँवरले वडा नं.–३ स्थित जगदम्बिके भगवती माविको निर्माणाधीन विद्यालय भवनको प्रगतिबारे जानकारी लिएका छन् । आयोजनाको अनुगमनको क्रममा गुणस्तरीय काम गर्न निर्देशन दिँदै उनले गाउँपालिकाले भवनको दोस्रो तला थपका लागि आगामी वर्ष आवश्यक बजेट विनियोजन गर्ने प्रतिबद्धता जनाए ।

प्रदेश र स्थानीय सरकारको लागत साझेदारीमा निर्माण भइरहेको विद्यालय भवनका लागि गाउँपालिकाबाट यसवर्ष २५ लाख बजेट विनियोजन गरिएको थियो । विद्यालयका प्रधानाध्यापक नेत्रबहादुर खड्काले भवन निर्माण कम्पनीका ठेकेदारको लापरबाही र प्राविधिक कर्मचारीको ढिलासुस्तीले समयमै निगरानी नहुँदा निर्माण कार्यमा बाधा भइरहेको बताए ।

उनले बोलाइएका बेला प्राविधिक कर्मचारीको नआउँदा पटकपटक काम हेरफेर गर्नु परेको गुनासो गरे । अनुगमनमा गाउँपालिकाको सामाजिक विकास समितिका संयोजक तथा वडा नं. १ का वडाध्यक्ष मिथुन गौतम र समाजसेवी मिनबहादुर बम लगायतको सहभागिता रहेको थियो ।

प्रकाशित मिति : २० जेष्ठ २०८०, शनिबार  ४ : १५ बजे

  • Leave a Reply

    Your email address will not be published. Required fields are marked *