दुर्गा प्रसाईंलाई खोजिरहेका छौं : प्रहरी

काठमाडौं । प्रहरीले गत १५ गते काठमाडौंको तीनकुनेमा भएको राजावादी प्रदर्शनका कमाण्डर दुर्गा प्रसाईंको खोजी भइरहेको बताएको छ ।

तीनकुने घटनाबारे ब्रिफिङ गर्न बुधबार आयोजित पत्रकार सम्मेलनमा प्रहरीले उनको खोजी भइरहेको बताएको हो ।

प्रहरीका केन्द्रीय प्रवक्ता डीआईजी दिनेश आचार्यले भने, ‘अनुसन्धान भइरहेको छ । हामी खोजिरहेका छौं ।’

प्रसाईं तीनकुने प्रदर्शनमा उग्र बनेर प्रस्तुत भएका थिए । उनले आफैंले गाडी चलाएर प्रहरीको अगाडि पेलेर अघि बढेका थिए ।

त्यसबारे जवाफ डीआईजी आचार्यले खोजी भइरहेको बताए ।