काठमाडौं । नेपाली कांग्रेसका केन्द्रीय सदस्य दिनेश कोइरालाले पार्टी सभापति तथा प्रधानमन्त्री देउवालाई समानुपातिक सिट पत्नी र परिवारलाई दिने अंश नभएकोभन्दै चिठी बुझाएका छन् ।
देउवालाई उनले लेखेको पत्रमा समानुपातिकतर्फ अंश, वंश र अर्थप्रेरित उम्मेदवारलाई राख्दा प्रत्यक्षतर्फका उम्मेदवारसमेत समस्यामा पर्ने उल्लेख छ ।
समानुपातिक सूची आरक्षित सिट भएको र आरक्षण पाउन लायक जाति, समुदाय, क्षेत्र तथा व्यक्तिहरुलाई समानुपातिक उम्मेदवारका रुपमा प्रस्ताव गरिनुपर्ने उनको भनाइ छ ।
समानुपातिक निर्वाचन प्रणालीको आदर्श र मर्म विपरीत पहुँचवाला, नातागोता, वंश, परिवार, आसेपासे तथा अर्थबलले सुसज्जित पात्रहरुलाई प्रस्ताव गरिएको उनको टिप्पणी छ ।
समानुपातिक उम्मेदवार चयन गर्दा पार्टीभित्रको खास गुट, खास परिवार र खास नेताहरुको तावेदारीहरुलाई प्राथमिकता दिइएको उल्लेख गर्दै नेता कोइरालाले रोष प्रकट गरेका छन् ।
हेर्नुहोस् पत्रको पूर्णपाठ
प्रतिक्रिया