भारत । भारतको उत्तर प्रदेशका पूर्व मुख्यमन्त्री मुलायम सिंह यादवको निधन भएको छ । उनी समाजवादी पार्टीका संस्थापक समेत हुन् ।
समाजवादी पार्टीले ट्वीट गर्दै आफ्ना संस्थापक नेता यादवको ८२ वर्षको उमेरमा निधन भएको उल्लेख गरेको छ ।
उनको एक हप्तादेखि हरियाणाको गुरुग्राममा रहेको मेदान्त अस्पतालमा उपचार भइरहेको थियो । उपचारकै क्रममा उनको निधन भएको हो ।
सन् १९८९ मा पहिलो पटक उत्तर प्रदेशको मुख्यमन्त्री बनेका उनले ३ पटक प्रदेशको नेतृत्व गरेका थिए । यस्तै उनी संघीय सरकारमा रक्षामन्त्रीसमेत बनेका थिए ।
उनको निधनप्रति भारतका अन्य नेताहरुले शोक व्यक्त गरेका छन् ।
प्रतिक्रिया