१५ जेष्ठ २०८१, मंगलबार | May 29 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

अंग प्रत्यारोपण बारे अनुभव आदानप्रदान गर्दै दोस्रो अन्तराष्ट्रिय प्रत्यारोपण सम्मेलन सम्पन्न



काठमाडौं । मानव अंग प्रत्यारोपण सम्बन्धि अनुभव आदानप्रदान गर्दै दोस्रो अन्तराष्ट्र्रिय प्रत्यारोपण सम्मेलन सम्पन्न भएको छ । सम्मेलन काठमाडौंमा दुई दिनसम्म संचालन भएको हो ।

शनिवार र आइतबार भएको सम्मेलनमा नेपाली विज्ञले १६ वटा र विदेशी विज्ञले १२ वटा कार्यपत्रहरु प्रस्तुत गरेका थिए । कार्यपत्र प्रस्तुत गर्दै नेपाली विज्ञहरुले अंग प्रत्यारोपणमा नेपालले फराकिलो रुप लिएपनि अझै सतप्रतिशत सफलता हात लाग्न नसकेको बताए ।

उनीहरुले खासगरी कुनैपनि अंग प्रत्यारोपणका लागि चाहिने दाताको अभाव र मृत्यु पश्चात पनि आफन्त र परिवारका व्यक्तिले मृतकको अंग दान गर्न हिचकिचाउदा कयौं बिरामीले अकालमा ज्यान गुमाइरहेको उल्लेख गरे ।

यसबारे सरकारले व्यापक जनचेताना जागाउन सके अंगदान गर्ने कार्यमा प्रगति हुने उनीहरुको विस्वास छ । कार्यपत्र प्रस्तुतीका क्रममा विदेशि विज्ञहरुले पनि समस्या र त्यसको समाधानका उपाय बारे तथ्यहरु प्रस्तुत गरेपछि अंगदान र प्रत्यारोपण बारे अनुभव साटासाट गर्दै मृत्युपछि अंगदानको अवस्था चुनौती तथा सम्भावनाबारे पनि चर्चा गरिएको शहिद धर्मभक्त राष्ट्रिय प्रत्यारोपण केन्द्रका निर्देशक डाक्टर पुकारचन्द्र श्रेष्ठले बताए ।

उनका अनुसार यो सम्मेलनले नेपालमा अंगदान तथा प्रत्यारोपण कार्यलाई प्रभावकारी बनाउन सहयोगी भूमिका खेल्ने विस्वास लिइएको छ ।

सम्मेलनमा नेपालसहित भारत, अमेरिका, जापान, बंगलादेश, हल्याण्ड, बेल्जियम, स्लोभानिया लगायत १५ देशका विज्ञ सहभागि रहेका थिए ।

शनिबार मुख्य सचिव शंकरदास बैरागीले उद्घाटन गरेको सम्मेलनमा स्वास्थ सँग सम्बन्धि विज्ञहरु, समाजसेवी, पत्रकार, कलाकार, कानूनविद तथा जिल्ला अस्पताल प्रमुख र नर्सिङ्ग प्रमुख समेतको सहभागिता थियो ।

स्वास्थ्य तथा जनसंख्या मन्त्रालय, शहीद धर्मभक्त राष्ट्रिय प्रत्यारोपण केन्द्र तथा भक्तपुर अंग प्रत्यारोपण समाज नेपालको संयुक्त आयोजनामा सम्मेलन भएको हो ।

प्रकाशित मिति : २७ कार्तिक २०७९, आइतबार  ९ : ४० बजे

  • Leave a Reply

    Your email address will not be published. Required fields are marked *