१६ चैत्र २०८०, शुक्रबार | Mar 29 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

जानौं कसले खानु हुँदैन केरा



केरा एउटा बहुमुखी फल हो जसलाई तपाईले वर्षभरी खान सक्नुहुन्छ । यो स्वास्थ्यका लागि एकदमै लाभदायक हुन्छ ।

भारी व्यायाम गर्नेहरुका लागि त झनै केरा उर्जा प्रदान गर्नका लागि एकदमै राम्रो फल मानिन्छ । यसमा प्रोटिन, क्याल्सियम, फाइबर, आइरन, म्याग्नेशियम, फस्फोरसका साथै अन्य भिटामिनहरु पनि पाइन्छ ।

केरालाई पेटसम्बन्धी समस्याको समाधान गर्ने तथा पेटमा सितलता प्रदान गर्ने फलको रुपमा पनि लिइन्छ । केरा खानुका अनेक फाइदा छन् ।

तर के केराको सेवन सबैका लागि समान रुपमा फाइदाजनक हुन्छ ? के सबै व्यक्तिहरु केरा खान सक्छन् ? स्वास्थ्यविज्ञका अनुसार यस्तो हुँदैन । केरा सबैका लागि फाइदाजनक नहुन सक्छ ।

केही त्यस्ता स्वास्थ्य स्थितिसँग लडिरहेका व्यक्तिका लागि केरा हानिकारक पनि हुन सक्छ । जानौं  केरा कस्तो अवस्थाका व्यक्तिले खान मिल्दैन-

यदी तपाईंमा एलर्जी छ

केही व्यक्तिलाई केरा खाएपछि छालामा दाग आउने तथा चिलाउने जस्तो समस्या देखिन्छ । यस्तो भएमा तपाईं तुरुन्त डाक्टरसँग सल्लाह लिनुहोस् । जसले गर्दा एलर्जीको कारण थाहा हुनेछ ।

मधुमेहका रोगी

केरामा प्राकृतिक सुगर भएपनि यसको धेरै सेवन गर्दा मधुमेहका रोगीलाई सुगरको मात्रा बढ्ने सम्भावना हुन्छ । त्यसैले मधुमेहका विरामीले डाक्टरको सल्लाह बमोजिम मात्र केराको सेवन गर्न सक्नुहुन्छ ।

स्वास सम्बन्धी समस्यामा नखाने

यदी कोही व्यक्ति दम जस्तो स्वासप्रस्वास सम्बन्धी समस्यासँग जुधिरहेको छ भने केराको सेवन गर्नु उचित मानिदैन ।

यस्तो अवस्थामा जहिले पनि केराको सेवन गर्नुपूर्व डाक्टरको सल्लाह लिई सही मात्रा तथा सावधानीका बारेमा जान्नुहोस् ।

खराब पाचनक्रिया भएका व्यक्ति

केरा पेटका लागि फाइदाजनक त हुन्छ तर यदी तपाईको पाचन प्रक्रिया खराब छ भने यसको अधिक सेवनले अवस्था झनै नाजुक बनाउन सक्छ । किनकी केरालाई पचाउन शरीरले धेरै मेहनत गर्नुपर्ने हुन्छ ।

रुघाखोकीमा खानबाट बचौं

रुघाखोकी लागेको बेला डाक्टरको सल्लाहबिना केराको सेवन गर्नबाट बच्नुपर्छ । किनकी शरीरमा यसको प्रभाव चिसो हुन्छ ।

त्यसैले कतिपय व्यक्तिलाई बिहान उठ्ने बित्तिकै केराको सेवन गर्दा रुघाखोकी लाग्ने गर्छ ।

-एजेन्सी ।

प्रकाशित मिति : १० पुस २०७९, आइतबार  ७ : ४१ बजे

  • Leave a Reply

    Your email address will not be published. Required fields are marked *