संसद भवनअगाडी आत्मदाह प्रयास गरेका प्रेम आचार्यको निधन

काठमाडौं। मंगलबार संघीय संसद भवनअघि आफ्नै शरिरमा आगो लगाएका प्रेमप्रसाद आचार्यको मृत्यु  भएको छ । जलेर गम्भीर घाइते भएको अवस्थामा कीर्तिपुर अस्पतालमा उपचारकै क्रममा आचार्यको विहान मृत्यु भएको अस्पतालका डा. किरण नकर्मीले बताए ।

मंगलबार राति स्वास्थ्य राज्यमन्त्री डाक्टर तोसिमा कार्कीले आचार्यको स्वास्थ्य अवस्थाबारे जानकारी लिएकी थिइन् । त्यतिबेला आचार्य बोल्न सक्ने अवस्थामा थिए । तर उनको शरिरको ८० प्रतिशत भाग जलेकाले बचाउनन नसकिएको डाक्टरले बताएका छन् ।

इलाम घर भएका आचार्यले यो देशमा आफूले जति कोसिस गरेपनि केहि गर्न नसकेको भन्दै नयाँ वानेश्वरको सडकमा प्रज्वलनशील पदार्थ शरिरमा खन्याएर आगो लगाएका थिए ।