तनहुँ । राष्ट्रिय स्वतन्त्र पार्टी (रास्वपा)का उम्मेदवार डा. स्वर्णिम वाग्लेले अग्रता दोब्बर बनाएका छन् ।
प्रतिनिधि सभा उपनिर्वाचन अन्तर्गत तनहुँ क्षेत्र नम्बर १ मा सार्वजनिक मतपरिणाम अनुसार वाग्लेले ८८३७ मत पाएका छन् भने दोस्रो स्थानमा रहेका नेपाली कांग्रेसका उम्मेदवार गोविन्द भट्टराईले ४०६५ मत पाएका छन् । नेकपा एमालेका उम्मेदवार सर्वेन्द्र खनालले २४०२ मत पाएका छन् ।
तनहुँ क्षेत्र नं. १ को मतगणना आइतबार रातिदेखि सुरु भएको हो । सुरुदेखि नै वाग्लेले अग्रता लिइरहेका छन् ।
आइतबार उपनिर्वाचन भएका चितवन क्षेत्र नम्बर २ र बारा क्षेत्र नम्बर २ को भने मतगणना सुरु भएको छैन । त्यहाँ दलिय सहमति हुन नसक्दा मतगण्ना सुरु नभएको हो ।
निर्वाचन आयोगका अनुसार मंसिरमा भएको निर्वाचनको तुलनामा यो पटक कम मत खसेको छ । यद्यपी यो पटक महिला मतदाता उत्साहजनक ढंगले मतदानमा सहभागि भएका थिए ।
प्रतिक्रिया