केराटिन हेयर ट्रिटमेन्ट यसरी

केराटिन विधिले कपाललाई नेचुरल स्ट्रेट बनाउन सकिने भएकाले अधिकांशको रोजाइमा पर्ने गरेको छ । यसमा फार्मल्डिहाइड, कन्डिसनर तथा केराटिनको प्रयोग गरी कपाल स्ट्रेट, बाक्लो र बलियो बनाइन्छ ।

शरीरमा नङ, छाला र रौँ निर्माणका लागि केराटिन नामक प्रोटिन आवश्यक हुन्छ । कपालमा विभिन्न रसायन प्रयोग गर्दा यो नष्ट हुँदै जान्छ र कपालमा समस्या देखिन्छ । त्यसपछि विभिन्न ब्रान्डेड क्रिम प्रयोग गरेर कपाललाई सीधा, बाक्लो र बलियो बनाइन्छ । यो विधिले कपाललाई नेचुरल स्ट्रेट बनाउन सकिने भएकाले अधिकांशको रोजाइमा पर्ने गरेको छ ।

यसमा फार्मल्डिहाइड, कन्डिसनर तथा केराटिनको प्रयोग गरी कपाल स्ट्रेट, बाक्लो र बलियो बनाइन्छ । फार्मल्डिहाइडको उपयोगले कपाल लामो समयसम्म सीधा र नरम हुन्छ । केराटिनले कपाललाई बलियो बनाउनुका साथै अन्य समस्याबाट मुक्त बनाउँछ । 

कसरी गर्ने ?
– सुरुमा स्याम्पु प्रयोग गरेर कपाललाई सफा गर्नुपर्छ । 
– त्यसपछि कपाललाई सुकाउने र कपाल मुलायम बनाउने क्रिम प्रयोग गरेर झन्डै ३० देखि ४० मिनेटसम्म छाडिदिने । 
– कपाललाई सफा पानीले पखालेर कम तापक्रममा स्ट्रेट गर्ने, त्यसपछि बिस्तारै आइरन गरिन्छ । 
– सफा पानीले कपाल पखालेर अन्तिममा हेयर स्क्रब लगाउने । त्यसको दुई–तीन दिनपछि फेरि ट्रिटमेन्ट गर्नुपर्छ । जसले गर्दा कपाल लामो समयसम्म सुक्खा हुन पाउँदैन । 
– यो ट्रिटमेन्ट तीनदेखि चार महिनासम्म टिक्ने गर्छ ।