अब ट्वीटरमा अक्षर सीमा हटाइने

ट्वीटरले ट्वीटको अक्षर सीमा हटाउन नयाँ फिचर ल्याउने भएको छ । धेरै अक्षर संख्या भएका हरफहरू हाल्न मिल्ने बनाउनका लागि ट्वीटरले नयाँ फिचर परीक्षण गर्न लागेको हो । ट्वीटरले ल्याउन लागेको फिचरलाई ‘नोट्स’ नाम दिइने ट्वीटरले जनाएको छ । 

नोट्स फिचर सार्वजनिक भएपछि धेरै अक्षर संख्या भएका हरफ सिधै ट्वीट गर्न सकिने सुविधा ट्वीटरमा उपलब्ध हुनेछ । 

फिचर परीक्षण गर्न दुई महिना लाग्ने ट्वीटरले जनाएको छ । ट्वीटरको नयाँ फिचरको जाँच क्यानडा, घाना, बेलायत र अमेरिकामा भइरहेको छ । 

हाल ट्वीटरमा २८० अक्षर ट्वीट गर्न सकिन्छ । र, धेरै अक्षर संख्या भएका हरफहरू ट्वीट गर्न हरफको ‘स्क्रिनसट’हरू राख्ने चलन छ ।-एजेन्सीको सहयोगमा