१९ फाल्गुन २०८०, शनिबार | Mar 2 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

सूर्यास्तसँगै राजधानीका रंगीन गोधुली साँझ



काठमाडौं । भीडभाड, भागदौड अनि ब्यस्त जिन्दगीदेखि आरामको लागि फुर्सद निकाल्ने कुरा राजधानीबासीको सायदै होला । किनभने जहिल्यै र जताततै कामै कामको चाप हरेक राजधानीबासीको जीवनमा हुन्छ । त्यही कामको चापले नै होला एक सहरीयाले अर्को सहरीयालाई चिन्दैन र वास्ता गर्दैन पनि । तर, यही ब्यस्त सहरमा समय निकाल्ने हो भने मस्त हुन सकिन्छ ।

साँझपख कौसीमा टहलिने मात्र हो भनेपनि गोधुली साँझको भरपुर मज्जा लिन सकिन्छ । भरियाको दिनभरको थकान मेटाउने बेला, सबै पेशा व्यवसायीहरुको बिश्राम लिने बेला, बालबालिकाहरु खेल्दै र रमाउँदै गल्लीहरुमा हसिलो अनुहार देखिने बेला, मठ–मन्दिरमा आरती, पूजापाठ र दियोको उज्यालो र गोधुली साँझमा रमाउँदाको मज्जा नै बेग्लै हुन्छ ।

यो बेला केही समय निकालेर टहलिने हो भने छुट्टै आनन्द हुन्छ । जब दिन ढल्दै जान्छ, राजधानीको आकाश पनि रंगीन बन्छ । नीलो आकाशमा रातो अनि पहेलो रंग भरिन्छ । चराचुरुङ्गीका मधुर आवाज पनि कहीँकतै सुन्न सकिन्छ, सडक छेउका बस्ती बाहेक ।

आजभोलि सूर्यास्तसँगै राजधानीका गोधुली साँझहरु रंगीन छन् । सूर्योदय र सूर्यास्त हेर्न नगरकोट र सराङकोट धाउने राजधानीबासीले फुर्सद निकालेर कौसीमा बस्ने मौका निकाल्न हो भने भरपुर आनन्द लिन सकिन्छ ।

हल्का बादल भएको बखत दक्षिणी क्षितिज पहेँलो अनि रातो हुन्छ । बादल फाटेको साँझ सूर्यास्त हेर्न रमाइलो हुन्छ । पछिल्लो समय निरन्तरको झरिका कारण प्रदूषण हटेको छ । शहरका अग्ला भू–भाग भक्तपुर, कपनजस्ता ठाँउबाट साँझको सूर्यास्त हेर्न लालयित बन्छन् हरेक नयनहरु । दिउँसोको उज्यालो त सबैले हेर्छन् तर साँझको गोधुली उज्यालोमा पनि काठमाडौं उपत्यका त्यत्तिकै सुन्दर देखिन्छ ।

भैसेपाटीबाट देखिएको दक्षिण आकाश ।
ठेचोबाट ।
कुपण्डोलबाट बग्दै गरेको वागमती ।
वागमती र सूर्यास्त ।
शंखमुल ।
बानेश्वर ।
नगरकोट ।
ललितपुरको चापागाँउबाट देखिएको सूर्यास्तको बेलाको आकाश ।
राजधानीको विजुलीबजार ।

तस्विर : न्युज एजेन्सी नेपाल

प्रकाशित मिति : २८ असार २०७९, मंगलबार  ९ : १७ बजे

  • Leave a Reply

    Your email address will not be published. Required fields are marked *