रुकुम । रुकुम पश्चिमको चौरजहारी विमानस्थल अझैँ सञ्चालनमा आउन सकेको छैन । विमानस्थल सञ्चालनमा लागि आर्थिक वर्ष २०७९÷८० मा सरकारले बजेट विनियोजना गरेको हो ।
त्यो बेला देशका विभिन्न विमानस्थलसँगै चौरजहारी विमानस्थलको स्तरोन्नति तथा निर्माण गर्न १२ अर्ब २४ करोड बजेट सरकारले विनियोजन गरिएको थियो ।
जाजरकोट र सल्यानलाई समेत लक्षित गरेर निर्माण गरिएको चौरजहारी विमानस्थल बन्द भएको नौ वर्ष पुग्न लाग्यो ।
२०२८ सालदेखि सञ्चालनमा आएको यो विमानस्थल २०७० सालको फागुनबाट सञ्चालनमा छैन । २०७० फागुनदेखि २०७२ भदौसम्म पाँच करोड ५९ लाख ४९ हजार ९५२ रुपियाँको लागतमा विमानस्थलको धावनमार्ग कालोपत्रे गरिएको थियो ।
विमानस्थलको स्तरोन्नति भएपछि यहाँ विमान आउने क्रम घटेको छ । पछिल्लो समयमा विमानस्थल बन्दजस्तै छ । विमानस्थल र टावर कुनै स्थानमा पनि कर्मचारी र प्रहरी छैनन।
विमानस्थलसँगै चौरजहारी मिसन अस्पतालबाट बाहिर ठुला अस्पतालमा सिफारिस गरिएका बिरामीलाई उपचारमा लिन समस्या हुँदै आएको छ । भेरी कोरिडोरको बीचमा पर्ने यो विमानस्थल सञ्चालनमा आए सबै भन्दा बढी बिरामीहरूले लाभ उठाउने अपेक्षा छ ।
प्रतिक्रिया