सुकुमबासीका पीडा : हिउँदमा ढल, बर्खामा बाढी

काठमाडौं । राजधानीको वाग्मती, विष्णुमती, मनोहरा र गोदावरी नदी किनारको खाली जमिनमा हजारौं टहरा बनाएर घरविहीनहरू बस्दै आएका छन् ।
नदी किनारमा रहेका यी बस्तीका व्यथा अनेक छन् । वर्षायाममा नदी पस्ने त्रासले रातभर अनिंदो बस्छन् सुकुमबासीहरू । अहिले वर्षायाम छ । नदीमा पानीको बहाव झनै उच्च हुन्छ । नदी छेउमा भएकै कारण कहिले बस्तीमा बाढी पस्छ पत्तो हुँदैन ।
वर्षायाम अरु समयभन्दा चिन्ताको विषय बन्छ, सुकुमबासीहरूलाई । हिउँदमा ढलको गन्धले त्यस्तै हैरान बनाउँछ । सुकुमबासीलाई व्यवस्थित गरेर राख्न नसक्दा उनीहरूले दुःख त पाएका छन् नै सरकारको पनि खिल्ली उड्ने गरेको छ ।
सरकारले ढल, फोहोरलगायत बस्ती व्यवस्थापन गर्न नसक्दा झनै समस्या परेको छ । बहाव क्षेत्रमा पर्खाल लगाउन पनि बस्ती व्यवस्थित नगरी सहज छैन ।

तस्वीर : न्युज एजेन्सी नेपाल