४ मंसिर २०८३, बिहिबार | Nov 20 2026

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

अछामका १० स्थानीय तहलाई भूमि प्रशासन सेवा स्थानीय तहमै सञ्चालन गर्न पत्राचार



अछाम । भूमि प्रशासन कार्यालय अछामले जिल्लाका १० वटै स्थानीय तहलाई भूमि प्रशासनसम्बन्धी सेवा अनिवार्य रूपमा स्थानीय तहमै सञ्चालन गर्ने व्यवस्था मिलाउन पत्राचार गरेको छ ।

भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयको निर्देशनअनुसार भूमि प्रशासनसम्बन्धी सेवा प्रवाहलाई स्थानीय तहबाटै सञ्चालन गर्न कार्यालयले पत्राचार गरेको हो ।

कार्यालयले जिल्लाका मंगलसेन र साँफेबगर नगरपालिका तथा पञ्चदेवल विनायक, कमलबजार नगरपालिका, तुर्माखाँद, ढकारी, मेल्लेख, बान्नीगढी जयगढ, रामारोशन र चौरपाटी गाउँपालिकालाई पत्र पठाएको छ ।

मन्त्रालयको च.नं. ४३६, मिति २०८३/०७/१६ को पत्रअनुसार भूमि प्रशासनसम्बन्धी सेवा प्रवाह स्थानीय तहबाटै सञ्चालन गर्नुपर्ने व्यवस्था गरिएको पत्रमा उल्लेख छ । मन्त्रालयले एक महिनाभित्र उक्त सेवा सञ्चालन गरिसक्नुपर्ने भन्दै सूचना प्रकाशित गरेकाले आफ्नो कार्यक्षेत्रभित्र पर्ने सबै स्थानीय तहलाई तोकिएको समयभित्र आवश्यक व्यवस्था मिलाउन भूमि प्रशासन कार्यालयले आग्रह गरेको हो ।

त्यस्तै, सेवा सञ्चालनका क्रममा आवश्यक प्रशासनिक सहजीकरण तथा समन्वयका लागि भूमि प्रशासन कार्यालयका नायब सुब्बा दीपककुमार तिमिल्सेनालाई सम्पर्क व्यक्तिका रूपमा तोकिएको छ ।

भूमि प्रशासनसम्बन्धी सेवा स्थानीय तहबाटै सञ्चालनमा आए नागरिकलाई सेवा लिन सहज हुने अपेक्षा गरिएको छ ।

प्रकाशित मिति : ४ मंसिर २०८३, बिहिबार  ५ : ३५ बजे

  • Leave a Reply

    Your email address will not be published. Required fields are marked *